филиал вгтрк государственная телерадиовещательная компания “Алания”

Космонавтикæйы скъолайы арæзт æрцыд техникон сфæлдыстады æппæтадæмон конкурс «Корабль будущего»-ы 3-аг къæпхæн. Йæ архайджытæ сты, 6 азæй 18 азы онг кæуыл цæуы, ахæм лæппутæ æмæ чызджытæ. Уыдонæй алчидæр бацæттæ кодта космосы хъæугæ аппаратты макеттæ. Сæ куыстытæн сын аргъ кодта профессионалон жюри. 82 куыстæй æвзæрст æрцыдысты 30. Уыдоны автортæ архайдзысты конкурсы финалы. Цæгатирыстойнаг сывæллæты æмрæнхъ сæ куыстытæ равдыстой сколадзаутæ æппæт Уæрæсейæ æмæ хæстæг фæсарæнтæй. Конкурс конд æрцыд скъолайы бындурæвæрæг, конструктор Къомайты Русланы номыл. Хуыздæр куыстытæ чи скодта, уыдонæн лæвæрд æрцыдысты дипломтæ æмæ зынаргъ лæвæрттæ. Ацы конкурс арæзт æрцæуы æрвылаз, цæмæй скъоладзаутæн космосмонавтикæ цымыдисаг уа, уый тыххæй.