филиал вгтрк государственная телерадиовещательная компания “Алания”

Ацы аз нæ республикæйæн у дывæр бæрæгбон. 155 азы æххæст кæны Къостайы райгуырдыл, 35 азы размæ та Дзæуджыхъæуы байгом Къостайы хæдзар-музей. Сабаты стыр бæрæгбон арæзт цæудзæн ирон литерæтурæйы бындурæвæрæджы райгуырæн хъæу Нары, музей та уыцы бон йæ дуарттæ дардзæн æхгæдæй. Ам цæуынц цалцæггæнæн куыстытæ.

Ахæм лыггæнинаг фарстатæ музейы чысыл нæй. Фыццаг уæладзыг зæхмæ хæстæг кæй у, уымæ гæсгæ дзы къултæ хъуна сæвæрынц. Музейы кусджытæ тох кæнынц, сæ бон куыд у, афтæ. Фæстаг хатт цалцæг куы кодтой, уæд сыл бакодтой пластик, фæлæ тæссаг сты зынгсирвæзтæй. Зæрдæ дардтой, ацы цалцæджы фæстæ кæд уавæр аивид, фæлæ ныр та куыстытæ бынтон ныккъуылымпы сты.

Хъесаты Эльзæ, Къостайы хæдзар-музейы директор: «Уымæл кæнынц къултæ, дуарттæ ивын хъæуы. Къултæ афтæ кæнын хъæуы, цæмæй сæ уымæл мауал хъыгдара æмæ уымæ гæсгæ цæмæн дæр æвæццæгæн н фаг кодтой фæрæзтæ æмæ куыст фæцудыдта. Ныр иу цалдæр боны нæ кусынц æмæ нæ уырны, кæд фæуаит фæрæзтæ æмæ музей уæддæр хъуамæ сцæттæ уа. Уымæн æмæ ныртæккæ бæрæгбæттæ сты».

Музейы разамынд куыд зæгъы, афтæмæй æхца фаг кæны, фæлæ æнхъæлмæ кæсынц, цæмæй кусой, уыцы æрмæджытæм. Стæй ацы хатт цæуы бындурон цалцæг, æмæ йын хъæуы фылдæр рæстæг.

Ацы аз бæрæг кæнæм дывæр бæрæгбон. 155 азы æххæст кæны Къостайы райгуырдыл, 35 азы размæ та байгом ацы хæдзар-музей, уымæ гæсгæ музеймæ хъæуы фылдæр æргом аздахын. Ныртæккæ ма цалцæггæнæн куыстытæ цæуынц Нары хъæуы музейы дæр.