Фæкъаддæр, коронавирус кæмæ раиртæстой, уыцы рынчынты нымæц
Уæрæсейы фæлхасадмæ цæстдарды управленийы специалистты ныхæстæм гæсгæ – ковидæй рынчынтæ цы уагдæтты æвæрынц, уырдæм къаддæр адæм хауын райдыдта. Фæкъаддæр, коронавирус кæмæ раиртæстой, уыцы рынчынты нымæц. Фæлæ уæддæр, æмтгæй райсгæйæ, республикæйы уавæр нырма у зæрдæхсаинаг. Дарддæр кусынц æхсæнадон бынæтты эпидимиологон уавæр æххæстгæнæн амæлттæ. Уыимæ фылдæр кæны, вакцинаци скæнын кæй фæнды, уыдоны нымæц. Фæстаг къуыри коронавирусы ныхмæ прививкæ скодта 12 мин адæймаджы. Бæстондæр хабæрттæ радзурдзæн Джыбызты Зæринæ.
Джиоты Владимир цыппæрæм поликлиникæмæ æрбацыд ревакцинацимæ. Йæ ныхæстæм гæсгæ, фыццаг прививкæйы фæстæ йæхи иу гыццыл æвзæр банкъардта, фæлæ ковидæй фæрынчын уæвынимæ абаргæйæ та, уый тæссаг нæ уыд.
Дохтырты ныхæстæм гæсгæ октябрæй фæстæмæ прививкæ скæнын кæй фæнды, уыдоны нымæц фæфылдæр. Фылдæр цæуы фæсивæд. Рекламон агентады кусæг Дмитрий Давиденко райста вакцинæйы дыккаг компонент.
Ныртæккæ прививкæ скæнæн ис вакцинæйы цыппар хуызæй – КовиВак, Эпивак Корона, Спутник Ви æмæ Спутник Лайт-æй. Иу препарат æвзарынц æмбæлтты амындмæ гæсгæ, иннæтæ интернеты базонгæ вæййынц йæ гæнæнтимæ.
Медиктæн æххуыс бакæнынмæ æрбацыдысты студенттæ. Ныртæккæ уал зонгæ кæнынц куыстимæ.
Республикæйы тагъд æххуысы станцæйы куыст ма ныридæгæн у карздæр фæткмæ гæсгæ арæзт. Ныртæккæ дзы рад хæссы æстай бригады, цыппор дзы сæ архайд хæссы Дзæуджыхъæуы. Кæд сæ бæрц æххæссы рынчынтыл, уæддæр дохтыртæ тынг фæллайынц.
Дохтыртæ куыд бæрæг кæнынц, уымæ гæсгæ тагъд æххуысы машинæтæ арæх ацæуынц, бинонты уæнгтæ иууылдæр кæм фæрынчын сты, ахæм рæттæм. Арæхдæр хъаст кæнынц сæ буары тæвд кæй схызт, стæй хуыфæгæй. Æрæджы та ма тагъд æххуысы станцæйы автопарк фæхъæздыгдæр æппæт хъæугæ кусæнгæрзтæй æххæст фараст хæдтулгæйæ.
Уæвгæ Цæгат Ирыстоны вакцинаци скодтой сæдæ æстай мин адæймаджы. Фæстаг рæстæг прививкæ скæнын кæй фæнды, уыдоны нымæц фæфылдæр дыууын проценты.
