филиал вгтрк государственная телерадиовещательная компания “Алания”

Ковиды ныхмæ 20 мин вакцинæйæ фылдæр фæзындысты Хуссар æфсæддон зылды медицинон куыстуæтты. Се ппæт дæр сты, æфсадмæ сидыны уалдзыгон кампанийы сиддонтæн. Вакцинаци ацæуыны фадатæй спайда кæнæн ис, æфсæддон хæйттæм чи рбацыд, уыцы фæсивæдæн. Уыимæ хынцын хъæуы дохтырты амынддзинæдтæ, стæй кæд раздæр исты хæцгæ низтæй рынчын уыдысты, уæд уыцы хъусынгæнинаг дæр. Ныридæгæн снысан кодтой прививкæтæгæнæн 40 пункты, стæй сбæлвырд кодтой 60 бригады. Уыдонæн се рдæг сты мобилон къордтæ. Уый та фадат дæтты прививкæтæ 2 мин адæймагæн скæнынæн, куыд медицинон пунктты, афтæ быдырон уавæрты дæр. Ныртæккæйы онг Хуссар æфсæддон зылды территорийы вакцинаци ацыдысты 76 мин службæгæнæджы.