Профессор Кудзаты Анатолийы разамындæй хæххон аграрон университеты æрыгон инженертæ хъæбæр зæххытыл кусынæн æрхъуыды кодтой ног гутон. Куыстой йыл 5 азы. Фæлвæрдтой йæ бирæ дуртæ кæм ис, ахæм быдыры.
Профессор Кудзаты Анатолийы разамындæй
хæххон аграрон университеты æрыгон инженертæ хъæбæр зæххытыл кусынæн
æрхъуыды кодтой ног гутон. Куыстой йыл 5 азы. Фæлвæрдтой йæ бирæ дуртæ
кæм ис, ахæм быдыры.
Ног техникон автоматикон фæрæз йæхи куыд
равдыста æмæ иннæ кусæнгæрзтæй цæмæй хицæн кæны, уый тыххæй уын
радзурдзыстæм не рмæджы.
Æддаг бакастæй ацы гутон иннæтæй
æппындæр ницæмæй хицæн кæны. Фæлæ йæ куыд æмæ цæмæй сæмбырд кодтой, уый
æрыгон ахуыргæндтæн сæхицæй хуыздæр ничи зоны. Æнæхуыссæг æхсæвтæ,
æрмадзы куыст, чертежтæ, гæбазгай æмбырдгонд кусæн хæйттæ. Афтæмæй
иртæстгонд цæуы, Уæрæсейы æмбал кæмæн нæй, ахæм гутон.
Цгъойты Давид, аграрон университеты
тракторты æмæ хъæууон хæдзарадон техникæйы кафедрæйы ассистент: «Ацы
гутон куы кодтам, уæд иу хай иу ран ссардтам, иннæ – иннæ ран. Йæ бындур
та йын скодтам, бирæ азты университеты æддаг кæрты цы конструкци
лæууыд, уымæй. Нæхæдæг æрхъуыды кодтам ахæм гутон æмæ ныр нæ зæрдæ райы
куыд кусы, уымæй. Зæххы дур куы уа æмæ йыл куы сæмбæлы, уæд дзы цы
болтытæ ис, уыдон сæхæдæг сæхи балварысынц. Æмæ кæм хъæуы, уым хæрдмæ
ссæуы, кæм дæлдæр фæвæййы. Уыцы иу рæстæг дуртæ гутон нæ хъыгдарынц, нæ
йæ сæттынц. Уый куыд хорз у, ууыл уæхæдæг ахъуыды кæнут».
Йæ аразджытæ куыд зæгъынц, афтæмæй конд у
æндоны 20 хуызæй. У автоматизацигонд. Зæххы дуртæ куы уа, уæд сигнал
ратты сæрмагонд датчиктæм æмæ гутоны компьютер цалдæр секундмæ сбæрæг
кæны куысты, растдæр зæгъгæйæ, та хуым кæныны фæтк.
Цгъойты Давид, аграрон университеты
тракторты æмæ хъæууон хæдзарадон техникæйы кафедрæйы ассистент: «Ахæм
гутонтæ никуы ис. Иухуызæттæ ма кæнынц Белоруссийы, фæлæ сæ ам ничи
фæлвары. Афтæмæй та дурджын быдыртæ Ирыстоны бирæ ис, æмæ сæ хъæуы
кусын. Мах цы техникæ скодтам, уый уымæн стыр æххуыс.».
Машинæ саразджыты проектмæ гæсгæ ахæм
гутон зынаргъ нæу. Йæ арæзтад бирæ нæ сыстдзæн. Афтæмæй та зæхкусджытæн
тынг пайда у. Йæ нысан у хæхбæсты дурджын быдыртæ хуым кæнын. У аслам,
арæх нæ сæтты, ис ын ивæн хæйттæ, æнцондæр æмæ тагъддæр кæны зæхкусджытæ
куыст.
Зыхъуаты Жаннæ
