4-æм профессионалон лицейы ахуырдзаутæ бабæрæг кодтой, куыд фæзæгъынц, тетары æппæты сæйрагдæр бынат – фæскулистæ
Культурæйы бон, театры æппæтадæмон боны агъоммæ уырыссаг академион театры уыд экскурси «Театральное закулисье».4-æм профессионалон лицейы ахуырдзаутæ бабæрæг кодтой, куыд фæзæгъынц, тетары æппæты сæйрагдæр бынат – фæскулистæ. Сæхи цæстæй федтой сфæлдыстадон æрмадзтæ, актерты сурæттæ кæм фæаразынц, сценикон уæлæдарæс, декорацитæ æмæ бирæ æндæр цымыдисаг хъуыддæгтæ. Цæгат Ирыстоны сгуыхт артисткæ Колыты Зæлинæ уазджытæн радзырдта театры историйы тыххæй, раргом сын кодта фæскулисты сусæгдзинæдтæ дæр. Ахæм экскурситæ арæзт цæуынц Уырыссаг театры æмæ республикæйы театралон архайджыты Цæдисы хъæппæрисæй. Сæ нысан у – фæсивæды аивадимæ æнгомдæр зонгæ кæнын.
