Уымæй уæлдай, кадджын фембæлды бахыгътой республикæйы хихъæппæрисадон аивадон æркаст «Иры фарн»-ы хатдзæгтæ
Культурæйы кусджытæн сæ профессионалон бæрæгбоны фæдыл арфæ ракодта республикæйы сæргълæууæг. Культурæйы къабазы йæ бирæ азты ахадгæ куысты тыххæй «Цæгат Ирыстоны культурæйы сгуыхт кусæджы» кадджын ном райстой Рахизфарсы районы культурæйы Галуаны методист Бебпиты Альберт, Мæздæджы сывæллæтты музыкалон скъолайы ахуыргæнæг Надежда Безуглая æмæ Национ наукон библиотекæйы сæйраг библиограф Хекъилаты Ларисæ. Уымæй уæлдай, кадджын фембæлды бахыгътой республикæйы хихъæппæрисадон аивадон æркаст «Иры фарн»-ы хатдзæгтæ. Фыццаг бынат æмæ 1 милуан æмæ 50 мин сомæн сертификат райста Алагиры район. Æрæфы æмæ Кировы районтæ бацахстой 2-аг æмæ 3-аг бынæттæ. Æхцайы премитæ ма радтой ноджыдæр 8 муниципалон скондæн. Фæрæзтæ фæнд кæнынц сæ районты культурæйы рæзтыл бахардз кæнын. Битарты Вячеслав бахæс кодта, фылдæр æргом хъæуты культурæйы хæдзæрттæм здахын.
