Ацы æмæ æндæр темæтæм «Хицауадимæ æргом ныхас»»-ы фæлгæты йæ ргом аздæхта профилон комитеты сæрдар Æгайты Эмилия.
Культурон бынтæ бахъахъхъæнын, туристон маршруттæ сног кæнын, Аланийы саргъуыды 1100 азмæ бацæттæ кæнын… Ацы æмæ æндæр темæтæм «Хицауадимæ æргом ныхас»»-ы фæлгæты йæ ргом аздæхта профилон комитеты сæрдар Æгайты Эмилия.
Федералон нысаниуæг кæмæн ис, ахæм 402 объектты æмæ 1325 та регионалон культурон бынтæ. Фæстаг рæстæг паддзахадон хыгъдмæ ма бахастой ноджыдæр 400-йæ фылдæр. Профилон комитеты сæрдар Æгайты Эмилия проект » Хицауадимæ æргом ныхас»- ы фæлгæты радзырдта объекттæн æнæмæнг кæй хъæуы сæрмагонд статус радтын, цæмæй уыдон дæр бахауой паддзахадон цæстдардмæ.
Ам ахсджиаг у æппæт специалистты æмархайд. Уæд, афойнадыл цы объект сбæрæг кодтой, уый бахъахъхъæнынæн йæ гæнæнтæ фылдæр сты. Ныронг бирæ архитектурон цыртдзæвæнтæ сты æнæхицау. Цæгат Ирыстоны 19 объекттæн радтой федералон статус . Уыдоны хсæн Зындгонд Дæргъæвс æмæ Лисри. Стыр æххуыс цæуы нысанмæ арæзт паддзахадон æмæ федералон программæты фæрцы дæр. Афтæ проект «Культурæ æмæ туризм»-ы руаджы цалцæггонд цæуынц Вахтанговы номыл театр æмæ Дзæуджыхъæуы Суннитаг мæсджыт.
Ныхас ма цыд Аланийыл саргъуыды 1100 азы бæрæгбоныл. Нысангонд цæуы, 11-æм æнусы арæзт Зручъы аргъуан сцалцæг кæнын. Византийаг хуызмæ гæсгæ конд объектæн йæ фылдæр хай бахордта цæугæдон. Фæлæ специалистты дæсны архайды фæрцы фæфидар, культурон объект цы фахсыл лæууы, уый. Дарддæр уал куыстытæ баурæдтой. Зилгæмæ хæстæг археологон куыстытæ дæр кæронмæ æрхæццæ сты. Истори базонынмæ тырныдзинад кæмæн ис, уыдонæн та æххуыс кæндзæн, комитет истори æмæ архитектурæйы институтимæ цæуыл бакуыстой уый. Уæдæ цы у, уый тыххæй комитеты хицау æмбарын кæны.
Уыимæ дзы пайда кæныны фадат ис æрмæстдæр специалисттæн. Уымæн æмæ чъизикъух адæм нæ фæзивæг кæндзысты сæ æппæрцæг митæм. Афтæ æрæджы Дзывгъисы ныппырх кодтой зæппадзы стæгдартæ, уый фæстæ сæ æрæмбырд кодтой бархионтæ. Хицауадимæ æргом ныхасы фæлгæты ма ведомствæйы разамонæг фехъусын кодта иннæ аз мидæгрæбыны æхсæрдзæнтæм фæндаг арæзт кæй уыдзæн. Уымæн регионалон бюджетмæ хаст æрцыд 10 милуан сомы.
