филиал вгтрк государственная телерадиовещательная компания “Алания”

Культурон хъæппæристы президентон фонды республикæйы проектон офисы сарæзтой сесси сфæлдыстадон командæтæн. Сбастой йæ фонды 3 азы куыстимæ. Мадзалы архайдтой, йæ фæнд сæххæст кæнынæн фæрæзтæ райсыны курдиат бадæттын чи хъавы, уыдон. Спикертæ уыдысты проектон офисы кусджытæ æмæ æнтыстджынæй цы проекттæ æххæстгонд æрцыдысты, уыдоны автортæ. Радзырдтой, сæ фæлтæрддзинады тыххæй, стæй цымыдисаг хъуыдыйæ цæмæй курдиат равзæра æмæ фидæны грант райсынæн цы бакæнын хъæуы, уый тыххæй. Фондæн раарфæ кодта Хицауады сæрдары хæдивæг Платы Альбинæ. Йæ ныхæстæм гæсгæ ахсджиаг у, цæмæй фылдæр адæмæн конкурсты архайыны гæнæнтæ уа, уый тыххæй ахæм уавæртæ арæзт кæй цæуынц, уый.