11 азы Хуссар Ирыстоны цæры æнæ хæстæй, фæлæ 2008-æм азы август нæ рох кæнынц.
Курсанттæн раарфæ кæнынмæ Намысы Аллеямæ æрбацыдысты хуымæтæг адæм дæр. 11 азы Хуссар Ирыстоны цæры æнæ хæстæй, фæлæ 2008-æм азы август нæ рох кæнынц. Хетæгкаты Къосатйы хъæуы цæрæг Мамиаты Григорий уый æнхъæл никуы уыди, æмæ йæ бинонтæ æмæ æмзæххонтæ хæсты цæхæры бахаудзысты, уый. Фæлæ, хъыгагæн, бирæтæ систы уыцы цауты амæттæгтæ. Мамиаты Григорийы мысинæгтæ нæ программæйы.
Хиуæтты зындзинад, амынæт, æвзæр ахастдзинæдтæ. Хетæгкаты Къостайы хъæуы цæрæг Мамиаты Григорий йæхи цæстæй федта æмæ йæхиуыл бавзæрста 2008-æм азы хæстон цауты уаргъ. Йæ райгуырæн сабыр цæрæг хъæу ын æхсын райдыдтой æхсæзæм августы. Иу ахæм сармадзан ын амардта йæ фыды. Уыцы рæстæг ма рæмудзæн æрмæг сæмбæлд сыхаг хæдзарыл дæр. Уым та аскъуыди Гигорийæн йæ фыдыхойы цард. Фæстæдæр хъæу бацахстой гуырдзиаг салдæттæ. Амынæт, æрфæрстытæ, йæ цард уыди дыууæйыл.
Григорийы ныхæстæм гæсгæ, йæ хъæуы баззадысты æрмæстдæр сылгоймæгтæ, сывæллæттæ æмæ ацæргæ адæм. Фæлæ уыдонимæ дæр гуырдзиаг агрессортæ тох кодтой. Алцыдæр дзурын хъæуы йæхи номæй, зæгъы Григорий. Йæ хъуыдымæ гæсгæ, дыууæ мины æстæм азы сфæлхат кодтой мин фараст сæдæ дыууынæм азы геноциды цаутæ.
Хуссар Ирыстон Паддзахадон Думæмæ арвыста курдиат, мин фараст сæдæ дыууынæм азы ирон адæмы геноцид банымайыны тыххæй. Ахæм курдиат арвитдзысты Европæйаг Цæдисмæ æмæ Иугонд Нациты Организацимæ. 100 азы размæ историон цаутæ уæззау фæд ныууагътой ирон адæмы цардыл. Уæд басыгътой 50 ирон хъæуы.
Дунейы æхсæнад рæстдзæвин аргъ кæй скæндзæн уавæрæн, ууыл сæ зæрдæ дарынц Хуссар Ирыстоны æппæт цæрджытæ дæр. Паддзахадон Думæйы сæрдар Вячеслав Володин куыд зæгъы, афтæмæй курдиатмæ каст æрцæудзæн сæрды фæлладуадзæн рæстæджы фæстæ.
