Раздæр йæ бон цæуын æппындæр нæ уыд
Хæлардзинад кæддæриддæр фæуæлахиз вæййы. Нæ республикæйы хъуыстгонд хирург Куыдзаты Хъазыбег, зæгъæн ис, æмæ йæ къæхтыл слæууын кодта Таджикистаны цæрæг 12-аздзыд чызг Мавлудæйы. Раздæр йæ бон цæуын æппындæр нæ уыд. Бæлвырддæр та цыди йæ цыппæртыл, йæ астæуыстæг хъыгдард кæй у, уымæ гæсгæ. Уникалон операци куыд ацыди, уый тыххæй зындгонд дохтыр радзырдта не сфæлдыстадон къордæн.
Афтæ Мавлуда арфæ кæны дохтыртæн, сæ фæрцы йæ къæхтыл фыццаг хатт кæй æрлæууыд, уый тыххæй. Йе нæниздзинадмæ гæсгæ бырыд йæ цыппæртыл. Сывæлæтты церебралон параличæй рынчын кæй у, уый Мавлудæйы ныййарджытæн загътой къаддæр ма куы уыди, уæд. Кудзаты Хъазыбег, куыд радзырдта, афтмæй сывæллоны федта социалон хызты, æмæ æрмæджы быны ныффыста феххуыс кæнын ын йæ бон кæй у, уый. Уыйимæ лæвар.
Душанбейæ Уæрæсемæ æрбахæццæ уæвынмæ чызгæн баххуыс кодтой зæрæдæхæлар адæм. Фæндаггаг сын радта Таджикистаны кусæг пластикон хирург Гагик Макян. Операци цыди 4 сахаты æмæ 20 минуты. Конд цыди 6 стæгыл. Хирург сæ, зæгъæн ис, æрæмбырд кодта ногæй.
Ныртæккæ цæуы реабилитацийы рæстæг. Мавлуда ахуыр кæны цæуыныл.
Ныридæгæн чызг йæ къæхтыл æрлæууы, фæлæ æнцойгæнæнты æххуысы фæрцы.
Мавлудæ ма Дзæуджыхъæуы фæуыдзæн, тæккæ къаддæр, дыууæ мæйы -Илизаровы аппарат цалынмæ сисой, уæдмæ.
Мавлуда хъомыл кæны бирæсывæллонджын бинонты хсæн. Ахæм низæй ма хъæрзы йе фсымæр. Уый дæр быры йæ цыппæртыл. Кудзаты Хъазыбег фæнд кæны, уый дæр йæ къæхтыл слæууын кæнын.
