Уый тыххæй аппаратон æмбырды фехъусын кодта Тебиаты Сослан
Къуырийы фæстæ Цæгат Ирыстон райсдзæн сæкæры æмæ онкологон низты ныхмæ хостæ, æлхæд æрцæудзысты æнæниздзинадхъахъхъæнынады контрактты бындурыл. Уый тыххæй аппаратон æмбырды фехъусын кодта Тебиаты Сослан. Æнæниздзинадхъахъхъæнынады министр куыд загъта, афтæмæй 10 мобилон комплексæй уал балхæдтой 6. Республикæйы хицауады сæрдары хæдивæг Томайты Ирбег йæ раныхасы куыд фехъусын кодта, афтæмæй «Уæллаг Ларс»-ы уадзæн системæ суткæмæ фæфылдæр 100 транспортон иуæджы бæрц. Раздæр дзы суткæмæ цыди 450 машинæйы, ныр та 550. Æмбырды æрныхас кодтой коронавирусы темæйыл дæр. Цæгат Ирыстоны къуыримæ рынчынты нымæц фæфылдæр 9%. Уый хъыгъд, медицинон куыстуæттæм æххуысагур адæм цæуынц 13% къаддæр, загъта, республикæйы фæлхасадмæ цæстдарды управленийы разамонæг Тыбылты Алан. Рынчынтæн сæ фылдæр сты, 30 азæй 50 азы онг кæуыл цæуы, ахæмтæ. Уыимæ, адæм вакцинаци цæуынц бæлвырд разæнгарддæрæй. Ивгъуыд къуырийы прививкæтæ скодтой 8 мин адæймагмæ хæстæг. Уый уымæй размæйæ у дыууæ хатты фылдæр. Сергей Меняйло куыд загъта, афтæмæй йæ фæлæмæгъдæр кæнæн нæй. Куыд фæнысан кодта, афтæмæй нæ фыццаградон хæс у ковиды уавæр снывыл кæнын. Республикæйы Сæргълæууæг бадомдта, æдасдзинады домæнтæ чи не ххæст кæны, уыцы æхсæнадон бынæтты куыст бауромын.
