28 октября 2013, 11:28
Куырмыты æппæтуæрæсеон æхсæнады республикон хайады арæзт æрцыд хихъæппæрисадон фестивалы фыццаг къæпхæн
Архайынц дзы цæстæй æвзæр чи уыны, уыцы адæм. Клубы сценæйы уыдон зарыдысты, цагътой музыкалон инструменттæй, кастысты æмдзæвгæтæ. Конкурсы архайдта 27 адæймаджы.
Архайынц дзы цæстæй æвзæр чи уыны, уыцы адæм. Клубы сценæйы уыдон зарыдысты, цагътой музыкалон инструменттæй, кастысты æмдзæвгæтæ. Конкурсы архайдта 27 адæймаджы. Уæлахиздзаутæ систы Сабанты Константин, Валентина Калашникова, Æлборты Тамилæ æмæ Хуыгаты Валерия. Сæ куырдиатæн сын аргъ кодтой фæллойы æмæ социалон рæзты минæвæрттæ, стæй музыкалон педагогон училищæйы ахуыргæнджытæ.
Хихъæппæрисадон конкурсы æрдæгфинал арæзт уыдзæн Пятигорскы. Архайдзысты дзы алы республикæты уæлахиздзаутæ. Цæгат Кавказы конкурсы уæлахиздзаутæ та ацæудзысты Æппæтуæрæсеон конкурсмæ, уый уыдзæн Мæскуыйы 2015-æм азы. Фестиваль «Уæлахизы Салют» арæзт у Фыдыбæстæйы Стыр хæсты Уæлахизы 70 азы æмæ куырмыты æппæтуæрæсейон организацийы 90 азы номыл. Бæрæг сæ кæндзыстæм 2 азы фæстæ.
темæмæ гæсгæ