05 ноября 2019, 12:19
Куырттаты комы уыд акци «Мæсгуытыл æртытæ»
50 адæмагæй фылдæр схыстызты Гули, Халгон, Хакунайы хъæутæ кæддæр знагæй цы мæсгуытæ хъахъхъæдтой, уырдæм, æмæ сæ цуры скодтой æртытæ
«Мæсгуытыл æртытæ», ахæм сæргондимæ Цæгат Ирыстоны, Куырттаты комы уыд акци. Архайдтой дзы скъоладзаутæ, студенттæ, фæсивæды æфсæддон-патриотон центры хъомылгæнджытæ, хъаматæй хæцыны æмæ туристон клубты минæвæрттæ. 50 адæмагæй фылдæр схыстызты Гули, Халгон, Хакунайы хъæутæ кæддæр знагæй цы мæсгуытæ хъахъхъæдтой, уырдæм, æмæ сæ цуры скодтой æртытæ. Ацы фæтк æххæст кодтой нæ рагфыдæлтæ. Урс фæздæг нысан кодта хъæуы цæрджыты иумæйаг сæмбырд, сау та уыд тæссаджы нысан. Ацы акцийæ ссардтой, Куырттаты комæй йæ цард райгуырæн бæстæйы сæрвæлтау чи радта, уыдоны рухс ном. Акци арæзт цæуы 2013-æм азæй фæстæмæ.
темæмæ гæсгæ
