Фылдæр æргом здахынц федералон цæугæдæттæм
Лаборатори «Центрводресурсы»-йы специалисттæ бæрæг кæнынц Цæгат Ирыстоны, сыхаг Кæсæг-Балхъары, стæй Стъараполы крайы доны объекттæ. Фылдæр æргом здахынц федералон цæугæдæттæм. Уыдонæй сæйрагдæр у Терчыдон. Хæрзхъæд анализ скæнынæн лабораторийы ис æппæт æмбæлгæ кусæнгæрзтæ. Тæссаг, кæнæ аварион уаццæгты та пайда кæнынц хи техникæйæ. Куы бахъæуа, уæд ма специалисттæ доны объекттæ фæкæнынц арфдæр. Бæлвырддæр радзурдзæн Касаты Наирæ.
Аналитикон залы, куыд фæзæгъынц, доны паддзахад. Дон дзы цæуы иу ранæй иннæмæ. Лабораторийы специалисттæй ницы ис басусæг кæнæн. Æххуыс сын сты реагенттæ. Бæрæг кæнынц дон физикон-химион æууæлтæй, уаззау згъæртæ дзы ис, æви нæ, уый. Æдæппæтæй 39 къабазмæ гæсгæ.
Республикæйы «Центрводресурсы»-йы лабораторийы специалисттæ бæрæг кæнынц æрмæст Цæгат Ирыстоны доны объекттæ нæ, фæлæ сыхаг Кæсæг-Балхъары дæр, стæй ма Стъараполы крайы иу хайы дæр. Фылдæр кæнынц, федералон нысаниуæг кæмæн ис, ахæм дæттæн. Уыдонæн сæ сæйрагдæр Кавказы Терк. Хæрзхъæд анализ скæнынæн ис æппæт хъæугæ кусæнгæрзтæ.
Дæттæ мониторинг кæныны мадзæлттæ æрмæст доны хæрзхъæддзинадимæ баст не сты, фæлæ донвæдтæ сыгъдæг кæнынимæ, уæлдайдæр та донивылдтыт рæстæг. Раздæр центр уыди заказгæнæг. Куыстытæ та æххæст кодта подрядон организаци. Абон куыстуаты ис сæрмагонд техникæ, пайда дзы фæкæнынц тæссаг æмæ аварион бынæтты.
Цæугæдæттæ сыгъдæг кæнынц фылдæр ламидæттимæ цы бырæттæ рацæуынц, уымæй. Дуртæ, къалиутæ, бæлæсты уидæгтæ. Фæлæ дзы вæййы, æрвылбоны хауæддзæгтæ дæр, уый та адæймаджы ахадындзинад æрдзыл. Специалисттæ доны объекттæ кæнынц арфдæр.
Донвæдтæ сыгъдæг кæнынц тæссагдæр цы уаццагты вæййы, уыцы рæтты. Дæтты сыгъдæгдзинадæй аразгæ у экологийы хорз уавæр дæр. Æмæ уыцы бæрнондзинад æрмæст специалисттыл нæй, фæлæ ма республикæйы алы цæрæгыл дæр.
