Ахæм закъоны проектыл æрныхас кодтой парламенты советы æмбырды
Лæвар юридикон æххуыс хъуамæ исой сæрмагонд æфсæддон операцийы архайджытæй æбæрæгæй чи фесæфт, уыдоны бинонтæ, терактты хъыгдардбаййафджытæ æмæ æнæбары æрлидзæг адæм. Ахæм закъоны проектыл æрныхас кодтой парламенты советы æмбырды. Бизнесæн æххуыс кæныны куысты тыххæй радзырдта республикæйы амалхъом адæмы бартæ хъахъхъæныны фæдыл æххæстбарджын Кучиты Зауыр. Сæйраг лыггæнинаг фарстатæм хауынц – хъалонты рæзт, зæххы хæйттæ дæттыны процедурæ фаг æргом кæй нæу, хæххон хъæуты электроэнерги кæй нæ фаг кæны, рог промышленносты товартæ æнæмæнг маркировкæ кæныны системæ кæй снысан кодтой, уый. Кучиты Зауыр куыд загъта, афтæмæй иуæй иу амалхъом адæм разы не сты, æхсæнадон объектты æмæ территориты реконструкцийы фæдыл, иунæг поставщикимæ бафыст контракттæ æцæг кæй не сты, уый снысан кæныны тыххæй исктимæ. Ацы фарстамæ гæсгæ юристтæ цæттæ кæнынц курдиат федералон центрмæ. Республикæйы ныртæккæ регистрацигонд ис, чысыл æмæ астæуккаг бизнесы 20 мин объектæй фылдæр. уыдонæй 6 мины æхсай сты ногтæ.
