Уый тыххæй республикон закъоны проект хорзыл банымадтой Цæгат Ирыстоны Парламенты Советы æмбырды
Лæвар юридикон æххуыс райсыны бон кæмæн у, уыцы адæмы хыгъд фæуæрæхдæр уыдзæн. Уый тыххæй республикон закъоны проект хорзыл банымадтой Цæгат Ирыстоны Парламенты Советы æмбырды. Раздæр лæвар юридикон консультацитæ исын сæ бон уыд, ныртæккæ нæ республикæйы территорийы чи ис, уыцы Донбассы цæрджытæн. Ныр та уыцы хыгъдмæ бахæссынмæ хъавынц мобилизацигонд адæмы æмæ сæ бинонты уæнгты. Уымæй дарддæр Парламенты Советы æмбырды æрныхас кодтой, сидзæр, æмæ æнæ ныййарджыты æххуысæй чи хъомыл кæны, ахæм сывæллæттæн социалон гарантиты тыххæй Федералон закъонмæ ивддзинæдтыл. Ацы категорийы адæм исдзысты уæлæмхасæн æххуыс. Фæрæзтæ схардз кæнæн ис цæрæнуæттæ æлхæнгæйæ, кæнæ ипотекон кредит фидгæйæ. Тускъаты Таймураз куыд загъта, афтæмæй республикон æмвæзадыл закъон ныридæгæн кусы. Уымæ гæсгæ федералон хъæппæрис у закъонмæ гæсгæ æххуыс.
