Йæ архайджыты *хсæн ис, журналистты радмæ фыццаг хатт чи не *рбацыд, ахæмтæ
Сывæллæтты фæлладуадзæн лагерь «Звездочка»-йы ныртæккæ архайы проект «Media-Camp»-ы тематикон профориентацион фæлтæр. Йæ архайджыты *хсæн ис, журналистты радмæ фыццаг хатт чи не *рбацыд, ахæмтæ. Программæйы ис тематикон тренингтæ, семинартæ, ирхæфсæн мадзæлттæ. Сывæллæттæ сæхæдæг фæлварынц радио- æмæ теле-программæтæ цæттæ кæнын. Дæсныйадæвдисæг ахуыртæ сын сарæзта не *мкусæг Хетæгкаты Зæлинæ дæр. Бæлвырддæр хабæрттæ радзурдзæн Хъайтмазты Дзерассæ.
Паддзахадон телерадиокомпани «Алани»-йы уацхæсджытæ æмæ кусджытæ сарæзтой дæсныйадæвдисæг ахуыртæ æвзонг журналисттæн. Амыдтой сын нырыккон медиа-продуктыл куыд кусын хъæуы, уый. Сывæллæттæ лæвæрдтой алыхуызон фæрстытæ. Фæнды сæ журналисттæ суæвын. Фæлладуадзæн рæстæг сын фæцис хорз фадат, дæсныйадимæ базонгæ уæвынæн. «Media-Camp» у республикæйы мыхуыры æмæ дзыллон коммуникациты хъуыддæгты фæдыл комитеты практикон-ориентацион проект. Арæзт æрцыд, фидæны ацы къабазы кусын кæй фæнды, уыцы скъоладзаутæн.
Æрмæст контент саразын нæ хъæуы, фæлæ ма йæ сахуыр кæнын парахат кæнын, аудиторийымæ кусын, алы хуызты æрмæджытæ цæттæ кæнын. Ацы рады программæйы – дæсгай мадзæлттæ. Цы у исæн процесс, чи сты йæ архайджытæ, сæйраг спикертæ æмæ хорз интервьюйы нысан цы у. Теоретикон зонындзинæдтæ бафидар кæнынæн баххуыс кæндзæн практикæ. Сывæллæттæ фæлварынц сæ тыхтæ.
Мадзаларазджытæ куыд зæгъынц, афтæмæй «Media-Camp» у ирхæфсæн нæ, фæлæ профориентацион проект. Зондамонджытæ æмæ спикертæ рæзгæ фæлтæрæн æмбаргæ хуызы æххуыс кæнынц ацы дæсныйады тыххæй бæллицтæ æрбахæстæг кæнын.
Иуæй-иу сывæллæттæ «Media-Camp»-ы фыццаг хатт нæ архайынц. Екатерина Шагакойы уырны, фидæны дæсныйадыл раздæр хъуыды кæнын чи райдайы, уымæн йæ къухы фылдæр æнтыстдзинæдтæ бафты.
Ахуырадон программæ дзуапп дæтты профориентацион куысты нырыккон домæнтæн. Мыхуыры æмæ дзыллон коммуникациты хъуыддæгты фæдыл комитеты йыл лæмбынæг бакуыстой психологтимæ æмæ уæлæмхасæн ахуырады кусæнуатты педагогтимæ.
Уæвгæ, сывæллæттæ ацы радмæ æрмæст зонындзинæдтæ райсыны тыххæй нæ тырнынц. Лагеры æрвылбон цард у цымыдисаг.
Дискотекæтæ, концерттæ, поэтикон изæртæ. Магкæты Даниэль у алыхуызон æппæтуæрæсеон æмæ æппæтадæмон олимпиадæты æмæ сфæлдыстадон конкурсты призер. Уарзы Пушкины æмæ Есенины, фæлæ йын хæстæгдæр у нырыккон поэзи.
Рад куы фæуа, уæд æвзонг журналисттæ æрмæст зонындзинæдтæ æмæ фæлтæрддзинад нæ райсдзысты, фæлæ ма хи проектты портфолио дæр. Æппæтæй æнтыстджындæртæн та лæвæрд æрцæудзысты комитеты сертификаттæ.
