Ацы хъуыддагмæ ахуыргæнæндоны сæхи бæстон бацæттæ кодтой
Лескены астæуккаг скъолайы 3 азы размæ кусын райдыдта «Точка роста». Ацы хъуыддагмæ ахуыргæнæндоны сæхи бæстон бацæттæ кодтой. Педагогтæ ацыдысты сæрмагонд ахуыртæ, æмæ ныр зæрдиагæй кæстæртæм хæссынц техникон наукæмæ зонындзинæдтæ. Уæлдай лæмбынæгдæр куыст цæуы фæндзæмкъласонтимæ. Ахуыргæнджыты хъуыдымæ гæсгæ уыцы кары ног информаци хуыздæр райсы æмæ бамбары сывæллон. Бакæсæм Сосранты Жаннæйы сюжетмæ.
Фæндзæм къласы ахуырдзау Асеты Данæ æвдисы, йе мкъласонтимæ цы робот сарæзтой, уый. Робототехникæ у Лескены скъолайы ахуырдзауты уарзондæр хъуыддаг.
«Точка роста» Лескены скъолайы фæзынд æртæ азы размæ. Ам ма саразынц технологи æмæ æхсæнадон царды æдасдзинады уроктæ. Ахуыргæнджытæ ацыдысты сæрмагонд ахуыртæ æмæ ныр сабитæм хæссынц техникон наукæмæ зонындзинæдтæ .
Фæндзæм-æхсæзæм кълæсты ахуырдзауты ахуыр кæнынц хуымæтæг роботтæ æмбырд кæныныл, хистæркъласонтæ та кусынц Эвольвектортæ æмæ Ардуино – конструктортими. Уыдоны руаджы базонæн ис электроникæйы бындур.
Уæлдай лæмбынæгдæр куыст цæуы фæндзæмкъласонтимæ. Ахуыргæнджыты хъуыдымæ гæсгæ уыцы кары ног информаци хуыздæр райсы æмæ бамбары сывæллон. Ацы лæппутæ æмæ чызджытæй аразгæ у нæ рухс фидæн, уый æмбарынц сæ ахуыргæнджытæ дæр æм сын, хъæуы цæргæйæ, сæ гæнæнтыл æфтауынц.
