Уыцы хорздзинад саразын къухы бафтыд, Тотраты Зауырбег сын сæ чиныгдонæн цы проект сарæзта, æмæ сæрмагонд конкурсы кæй рамбылдта, уый фæрцы
Царды домæнтимæ æмдзу кæнгæйæ! Æрæфы районы Лескены хъæуы библиотекæ суыдзæн модулон. Уыцы хорздзинад саразын къухы бафтыд, Тотраты Зауырбег сын сæ чиныгдонæн цы проект сарæзта, æмæ сæрмагонд конкурсы кæй рамбылдта, уый фæрцы.
Фæстаг рæстæг удварны хæзнатыл дзурæг хъуыддæгтæм уæлдай цæстдард кæй ис, уымæн æнæ бафиппайæн нæй. Рæстæджы цыдимæ фæрайдзастдæр сты Цæгат Ирыстоны чиныгдонтæ. Уыимæ сæ уавæртæ дæр ивд цæуынц нырыккондæртæй. Æрæфы районы ис 15 чиныгдоны, сæ фылдæр сты бындурон цалцæггонд. Цыколайы библиотекæйыл зилгæйæ, цæст рæвдауынц алыхуызон чингуытæй дзаг тæрхæджытæ. Уæлдай ныхасы аккаг сты тематикон къуымтæ. Районы библиотекæты системæйы сæргълууæг Дзоблаты Риммæйы ныхæстæм гæсгæ рæстæджы цыдимæ сæ гæнæнтыл æфты.
Ныр æппæт районæй цин кæнынц Лескены чиныгдон сæрмагонд проекты архайды фæрцы рацарæзт кæй æрцæудзæн ууыл. Хъуамæ суа модулон. Уыдзæн дзы цалдæр, æнцон архайæн тематикон къуымы. Йæ коллективæй уырнгæ дæр нæма кæны, къамтæ царды сæ бынат ссардзысты, уый.
Чиныгдоны цы мадзæлттæ арæзт цыд, уыдоныл абон бирæтæ æрхæндæг кæнынц.
Хуыты Ларисæ Лескены чиныгдонмæ æрбацæугæйæ йæ цæстæнгас цæуыл æрлæууын кодтаид, уый дæр не мбæрста. Цымыдисаг, алы темæтимæ баст къуымтæй æххæст бынат. Уæдæ дзы цы рагон цардыуаг æвдисæг къуым уыд, уым та йæм æнхъæлмæ каст – лæвар. Кæцыйыл тынг зæрдиагæй бацин кодта.
Уæвгæ, ацы къуым иунæг хъуыддаг нæу, ардæм хъæуы цæрæг алы кары адæм чи лваста, ахæм амал. Лескены чиныгдон кæдæй кусы, уæдæй бирæ фæлтæртæн сси хъæуы уарзондæр бынаттæй иу. Ууыл та зæрдиагæй кусы йæ коллектив.
Уæдæ алы æмвæзады конкурсты архайынмæ дæр нæ фæзивæг кæнынц. Сæ арæхстдзинад æмæ чиныджы дунемæ фæндаг амоныны сусæгдзиндтæ никæмæн æвгъау кæнынц, амонынц сæ се мкусджытæн иннæ хъæутæй.
Ларисæмæ хъусгæйæ чиныгæн æнæ бауарзæн нæй. Йæ фæлмæн цæстæнгас æмæ ныхасæй сывæллæтты æмхиц кæны чиныгмæ.
Йæ кусджытæ цы диссаджы мадзæлттæ æрхъуыды кæнынц сæ кæсджытæн, уыдон вæййынц бафæзминаг. Сæ иу, хъæуы зындгонд ахуыргонд, медицинон академийы æнусы рдæг чи фæкуыста, уыцы Хуыты Хæпæты чызг Ларисæимæ. Профессор сын радзырдта йæ фыд Фыдыбæстыйы Стыр хæсты архайæг Хуыты Хæпæты царвæндаджы тыххæй.
Лескен Ирыстоны дæрддзæф хъæу кæй у, уымæй йæ цæрджытæн дардмæ цæугæ рауайы бирæ хъуыддæгтæм. Уый æмбаргæйæ культурæйы хæдзары æмæ Хидирты Ехьяйы номыл библиотекæйы кусджытæ архайынц хъæуы цæрджыты æрвылбоны цард райдзастдæр кæныныл. Куыд фæзæгъынц, кусын кæй фæфæнды, уый æфсон нæ фæагуры. Ног проект царды йæ бынат куы ссара, уæд та, ноджы райдзастдæрæй кæй кусдзæн чиныгдоны коллектив, уый гуырысхойаг нæу.
