Специалистты ныхæстæм гæсгæ, ног конструкци уыдзæн зæронд хидæй фидардæр æмæ æдасдæр
Лескены цæуы ног хиды арæзтад. Куыстытæ райдыдтой фарон æмæ фæуыдзысты ацы азы кæрон. Специалистты ныхæстæм гæсгæ, ног конструкци уыдзæн зæронд хидæй фидардæр æмæ æдасдæр. Объекты реконструкци æххæстгонд цæуы национ проект «Цардæн инфраструктурæ»-мæ гæсгæ. Бæлвырддæр хабæрттæ радзурдзæн Хъайтмазты Дзерассæ.
Ног хидæн ис 6 цæджындзы. Сæ бæрзæнд у 4 метрæй фылдæр. Сæ фундаменттæ цæттæ сты. Ныртæккæ специалисттæ архайынц цæугæдоны донвæды æппæт сæйраг куыстытæ фæуын донивылдтыты цалынмæ нæ райдыдтой, уæдмæ. Хъайванты монтажмæ бавналын фæнд кæнынц апрелы.
Арæзтадон организацийæн зын объект нæу, хидтæ фыццаг хатт нæ аразынц. Ацы хиды дæргъ у 100 метрæй фылдæр, йæ уæрх та – 12. Объекты ис змæлды 2 фарсы æмæ къахвæндæгтæ. Специалистты хъæудзæн саив кæнын бацæуæн фæндæгты 500 метры онг. Ног конструкци уыдзæн зæронд хидæй фидардæр æмæ æдасдæр.
Хиды арæзтад фæуын фæнд кæнынц ацы азы кæронмæ. Ацы цаумæ æнхъæлмæ кæсынц Лескены æппæт цæрджытæ. Хъæуы цæры 2 мин адæймагæй фылдæр. Зæронд хидæй арæх фæпайда кæнынц. Куыд зæгъынц, афтæмæй сын зындзинæдтæ æвзарын кодта.
Лескены цæугæдоны сæрты хиды реконструкци æххæстгонд цæуы нацпроект «Цардæн инфраструктурæ»-мæ гæсгæ. Æдæппæтæй республикæйы фæндæгтыл ис 178 хиды. Профилон комитеты куыд фехъусын кодтой, афтæмæй фæстаг 6 азмæ уыдонæй сцалцæг кодтой 30. Ацы куыст æххæстгонд цæудзæн ацы аз дæр.
