Ацы аз сси республикон: архайдтой дзы Æрæфы æмæ Дыгуры районты скъолаты ахуырдзаутæ – æдæппæтæй 73 лæппу æмæ чызджы
Лескены уыд Хидирты Ехьяйы номыл æрвылазон литературон конкурс «Дыгурон поэзийы æнусон стъалы». Арæзт æрцыд 4-æм хатт. Ацы аз сси республикон: архайдтой дзы Æрæфы æмæ Дыгуры районты скъолаты ахуырдзаутæ – æдæппæтæй 73 лæппу æмæ чызджы. Конкурсанттæ кастысты зындгонд поэты уацмыстæ. Равдыстой бæрзонд æмвæзад. Хуыздæрты сбæрæг кодтой жюрийы уæнгтæ. Йæ хыгъды уыдысты культурæйы архайджытæ, фысджытæ, журналисттæ, наукæйы кусджытæ. Уæлахиздзауты схорзæхджын кодтой æхцайы премитæй, кады гæххæттытæй, стæй Хидирты Ехьяйы чингуытæй. Мадзал саразыныл бацархайдтой Лескены библиотекæ æмæ культурæйы хæдзар. Бæрæгбон саив кодтой паддзахадон филармонийы оркестр æмæ музыкалон къорд «Фидæн». Йе вæрæн бахаста Хидирты Ехьяйы æфсымæры лæппу Валерий.
