Михаилы номыл аргъуаны æрæмбырд сты станицæйы цæрджытæ æмæ уазджытæ
Луковскæйы станицæйы хъазахъхъаг æхсæнад сбæрæг кодта сывæллæтты отряд «Пластуны»-йы равзæрды бон. Михаилы номыл аргъуаны æрæмбырд сты станицæйы цæрджытæ æмæ уазджытæ. Се ппæт дæр раарфæ кодтой æвзонг хъазахъхъæгтæн. Ацы бон ма хаст æрцыд уынаффæ, æмæ рæзгæ фæлтæр ард бахордтой Фыдыбæстæйæн, хъазахъхъæгтæн æмæ чырыстон динæн лæггад кæнынæй. Рæзгæ фæлтæрæн зæрдиаг арфæтæ ракæнынмæ æрбацыдысты хъазахъхъаг æхсæнадты атамантæ, ветерантæ, хъæуты администрациты разамонджытæ æмæ æхсæнады минæвæрттæ. Мæздæджы районы протоиерей Артемий Пономаренко æмæ Алайнаг зылды атаман Адырхаты Тимур дæр кæстæртæн скодтой амынддзиндтæ. Алы хъомылгæнинагæн дæр радтой зæрдылдарæн лæвæрттæ æмæ чырыстон дины литературæ.