02 июля 2014, 11:27
Мæскуыйы джазы оркестр «Папоротник» абон концерт ратдзæн оперæ æмæ балеты паддзахадон театры
Солист дзы уыдзæн курдиатджын виолончелист Борислав Струлев. Музыкант цæры æмæ кусы Америкæйы, фæлæ арæх вæййы Уæрæсейы дæр. Дзæуджыхъæуы аивадуарзджытимæ фембæлдзæн дыккаг хатт.
Солист дзы уыдзæн курдиатджын виолончелист Борислав Струлев. Музыкант цæры æмæ кусы Америкæйы, фæлæ арæх вæййы Уæрæсейы дæр. Дзæуджыхъæуы аивадуарзджытимæ фембæлдзæн дыккаг хатт. Оркестры репертуары сты джаз, адæмон зарджытæ æмæ классикон уацмыстæ. Концерт хаст у 9-æм дунеон фестивалы программæмæ «Уазæгуаты Гергиты Ларисæмæ».
Знон та оперæ æмæ балеты театры æрæзт æрцыд вокалон музыкæйы изæр. Дзæуджыхъæумæ ссыдысты Софияйы Национ оперæйы солисттæ. Болгарийы минæвæрттæ – Крум Галобов, Бойко Цветанов æмæ Цветелина Малджанска Ирыстоны аивадуарзджытæн акодтой Чайковскийы, Вердийы, Моцарты, Пуччинийы æмæ æндæр зындгонд композиторты уацмыстæ. Артисттимæ уыд концертмейтер Гетойты Зæлинæ дæр. Не `мзæххон пианисткæ ныртæккæ кусы æмæ цæры Болгарийы. Аивадуарзджытæн тынг ахсджиаг уыд ацы концерт, уымæн æмæ Крум Галобов, Бойко Цветанов æмæ Цветелина Малджанска сты дунейы зындгонд зарæггæнджытæ.
темæмæ гæсгæ
