Мæздæджы бæстæзонæн музейы сбæрæг кодтой историон наукæты доктор, Ленины номыл премийы лауреат археолог Евгений Крупновы райгуырды 110 азы

19 марта 2014, 11:29

Зындгонд ахуыргонд райгуырд æмæ хъомыл кодта Мæздæджы, куыста нефтыкуыстуæтты, хæцыд фыдыбæстæйы Стыр хæсты. Уый фæстæ йæ царды нысан уыд Цæгат Кавказы истори æмæ археологи наукон æгъдауæй равзарын. Йæ монографитæй абон дæр пайда кæнынц ахуыргæндтæ. Мæздæджы уынг стæй иу скъола хæссынц йæ ном. Юбилейон изæрмæ æрбахуыдтой йæ ахуырдзау, уый дæр у ахуыргонд Владимир Кузнецовы, абон дæр æххæст кæны, йæ ахуыргæнæгимæ цы наукон куыст райдыдтой, уый. Музеймæ æрбацæуджытæн радзырдта дунейы конференци «Крупновы бакастытæ» куыд арæзт цыдысты, уый тыххæй. Апрелы Мæскуыйы цæудзысты 27-æм хатт. Æрбацæудзысты йæм æппæт дунейы ахуыргæндтæ æмæ сæ докладтæй стыр æвæрæн бахæсдзысты Цæгат Кавказы историмæ, стæй кæй зæгъын æй хъæуы, æрæмысдзысты Евгений Крупновы рухс ном.