филиал вгтрк государственная телерадиовещательная компания “Алания”

Ам сентябры 1942-æм азы амардтой бирæ дзуттæгты. Хъуыстгонд куыд у, афтæмæй ардæм æрбалыгъдысты Белоруссийæ æмæ Уæрæсейы центрон хайæ. Æмæ сыл æрцыд сайд. Фашисттæ фехъусын кодтой регистрацийы тыххæй. Адæм цæуын райдыдтой административон бæстыхаймæ. Куыддæр-иу бинонтимæ бахæццæ сты, афтæ сæ тардтой автобустæм, æмæ сыл уым уагътой газ. Æфхæрд адæмы номыл цыртдзæвæныл ныффыстой се ппæты нæмттæ, стæй сыл цалгай азтæ цыди, уый. Æппæтæй кæстæрыл цыди æхсæз мæйы. Сывæллæттæ, сылгоймæгтæ æмæ ацæргæ адæм ам баззадысты æнустæм. Номарæн аргъуыды фæстæ сывæллæттæ бакастысты æмдзæвгæтæ фашизмы æмæ терроризмы амæттæгты тыххæй. Историктæ куыд зæгъынц, афтæмæй Стъараполы крайы ис, дзуттæгтæ кæм ныгæд æрцыдысты, ахæм æстай æфсымæрон ингæнæй фылдæр. Проекты нысан у, фашистты къухтæй чи фæмард, уыдоны нæмттæ сбæрæг кæнын. Ацы цыртдзæвæн нырма у дыккаг. Уымæ гæсгæ ма хъæуы стыр иртасæн куыст бакæнын.