25 ноября 2013, 11:31
Мæздæджы истори хорз чи зоны, уыцы æрыгон зондабитæн Пушкины номыл бынæттон библиотекæйы уыд кадджын мадзал
Ацы аз Мæздæгыл æххæст кæны 250 азы æмæ уымæ гæсгæ горæты администраци районы ахуырады управлениимæ скъоладзауты ‘хсæн расидт конурс, «Мæ горæты истори».
Ацы аз Мæздæгыл æххæст кæны 250 азы æмæ уымæ гæсгæ горæты администраци районы ахуырады управлениимæ скъоладзауты ‘хсæн расидт конурс, «Мæ горæты истори». Алы кары скъоладзаутæ дзы равæрдтой 100 куыстæй фылдæр. Жюрийы уæнгты хъуыдымæ гæсгæ рæзгæ фæлтæр равдыстой хорз зонындзинæдтæ. Кадджын мадзалмæ æрбацæуæг адæм дæр базонгæ сты сабиты куыстытимæ. Иуæй-иу скъоладзаутæ та сæ горæты номыл ныффыстой æмдзæвгæтæ æмæ сæ бакастытсты уазджытæн. Залы уыд бирæ адæм, бынæттон хицауад, ахуырады управленийы минæвæрттæ, стæй конкурсы уæлахиздзауты ахуыргæнджытæ æмæ ныййарджытæ. Æрыгон зондабитæн радтой кады гæххæттытæ, стæй литературон альманахтæ.
темæмæ гæсгæ
