08 февраля 2013, 14:21
Мæздæджы пысылмæтты æхсæнады хъæппæрисæй Хъызлары культурæйы хæдзары арæзт æрцыд интеллектуалон хъазт «Своя игра»
Архайдтой дзы районы æртæ скъолайы ахуырдзаутæ. Сывæллæттæ æвдыстой сæ зонындзинæдтæ биологийæ, историйæ, географийæ, цардыуаджы æдасдзинад хъахъхъæнынæй æмæ дины æгъдæуттæ æмæ истори зонынæй.
Архайдтой дзы районы æртæ скъолайы ахуырдзаутæ. Сывæллæттæ æвдыстой сæ зонындзинæдтæ биологийæ, историйæ, географийæ, цардыуаджы æдасдзинад хъахъхъæнынæй æмæ дины æгъдæуттæ æмæ истори зонынæй. Аргъ сын кодтой бæрнон жюрийы уæнгтæ: се `хсæн пысылмон æмæ хъуымыхъхъаг национ-культурон æхсæнадты минæвæрттæ, хъæуы хистæртæ, хæлардзинады хæдзары кусджытæ.
Куыд загътой, афтæмæй ахуырдзаутæ сæхи хорз бацæттæ кодтой. Конкурс рауад цымыдисаг. Зæрдиагæй дзы архайдтой куыд скъоладзаутæ, афтæ хистæртæ æмæ сывæллæтты ныййарджытæ дæр. Хъуыран зонынæй сæ зонындзинæдтæ равдисыны фадат уыд алкæмæн дæр. Хъазты хатдзæгтæм гæсгæ 1-аг бынат бацахста Хъызлары 2-æм скъолайы командæ.
темæмæ гæсгæ
