филиал вгтрк государственная телерадиовещательная компания “Алания”

Ахуыргæнджытæ сты уæлдай кады аккаг. Мæздæджы районы администрацийы схорзæхджын кодтой хуыздæр педагогты.

Радтой сын Уæрæсейы Федерацийы æмæ Цæгат Ирыстоны кады грамотæтæ. Районы разамынд раарфæ кодта ахуыргæнджытæн, бирæ азты æнæзæрдæхудт фæллой кæй кæнынц, æмæ рæзгæ фæлтæрæн зонындзинæдтæ кæй дæттынц, уый тыххæй. Арфæйы фыстæджытæ лæвæрд æрцыд уæлæмхасæн ахуырады педагогтæн дæр. Ацы къабазы Мæздæджы районы бирæ фæлтæрдджын кусджытæ ис. Ам кусы Сывæллæтты сфæлдыстады центр, спортивон секцитæ, æвзонг техникты станцæ, аивæдты скъола. Сгуыхт ахуыргæнджытæй дарддæр æмбырдмæ хуынд æрцыдысты æрыгон специалисттæ дæр. Бирæтæ уæлдæр ахуыргæнæндæттæ каст куы фесты, уæд æрбаздæхтысты се скъолатæм кусынмæ æмæ сæ зонындзинæдтæ æхсызгонæй дæттынц сæ райгуырæн хъæуты æмæ поселокты сывæллæттæн. Алы ахуыргæнæг дæр сæрыстыр вæййы йæ ахуыргæнинæгтæй. Мæздæджы районы дæр ахæм дæнцæгтæ чысыл нæй. Алыхуызон конкурсты æмæ олимпиадæты уæлахиздзаутæ Мæздæджы бирæ ис.