филиал вгтрк государственная телерадиовещательная компания “Алания”

Мæздæджы районы уыд уæрæхгонд æмбырд. Архайдтой дзы Цæгат Ирыстоны нациты ахастдзинæдты фарстаты фæдыл министр Цуциты Аслан, национ-культурон æхсæнæдты минæвæрттæ, дины кусджытæ, хъазахъхъæгтæ.
Ныхас цыд, цæмæй радикалон къордтæм сæхи бахæссыны нысаниуæгимæ районы цæрджытæ æндæр бæстæтæм ма цæуой. Æмбырды архайджытæн Мæздæджы имам радзырдта ацы фарстайыл куыд кусынц, уый тыххæй. Стæй фæсивæды куыд хъахъхъæнынц æвзæр хабæрттæй, куыд сын æмбарын кæнынц пысылмон дины æгъдæуттæ. Арæх саразынц фембæлдтытæ æрыгон адæмимæ, инталлектуалон хъæзтытæ, фæлæ, хъыгагæн, сæ ахадындзинад алкæд стыр нæ вæййынц. Æмбырды куыд загъдæуыд, афтæмæй ныхас кæндзысты фæсивæды ныййарджытимæ, ивд æрцæудзæн скъоладзаутæ æмæ студенттимæ куысты хуыз дæр.
Хъазахъæгтæ та министрæй ракуырдтой цæмæй сын баххуыс кæна æхцайы фæрæзтæй. Фæнды сæ фæсивæд сæ рæнхъытæм раздахын,уый тыххæй та аразын хъæуы мадзæлттæ. Дзырдтой ма лагерь «Казачок Терека» -йы куыст сног кæныныл. Йæ куыст æрлæууыд бирæ азты размæ. Адæмы ма тыхсын кодта зæххы фарста. Куырдтой цæмæй зæххы хæйттæ радтой кусын кæй фæнды уыцы адæмæн, уæд мингай гектартæ зæрæстон нæ уыдзысты.