Мæздæджы районы Виноградныйы хъæуы фембæлдысты Гуырдзыстонæй ралидзæг, Цæгат Ирыстоны цæрæг туркæгтæ. Æрæмбырд сты, цæмæй иумæ æрымысой, 1944-æм азы Гуырдзыйы Месхетинаг зылды цæрджытæй репресийы амæттаг чи бацис, уыдоны нæмттæ.
Мæздæджы районы Виноградныйы хъæуы
фембæлдысты Гуырдзыстонæй ралидзæг, Цæгат Ирыстоны цæрæг туркæгтæ.
Æрæмбырд сты, цæмæй иумæ æрымысой, 1944-æм азы Гуырдзыйы
Месхетинаг зылды цæрджытæй репресийы амæттаг чи бацис, уыдоны нæмттæ.
Бирæтæ ацы уæззау цауæн сæхæдæг уыдысты
æвдисæн æмæ радзырдтой сывæллæттæ уæвгæйæ цы хъизæмæрттæ бавзæрстой, уый
тыххæй. Уæд Месхæтийæ Астæуукаг Азимæ фæндагыл фæмард 17 мин адæймаджы.
Сæ фылдæр уыдысты сывæллæттæ æмæ кар адæм. Фæстæдæр та ма низтæ æмæ
стонгæй амардысты 30 мин адæймаджы. Уыцы цауты фæдыл сын тæфæрфæсы
ныхæстæ загъта Мæздæджы хæлардзинады хæдзары разамонæг Павел МихайдЯнц.
Æнаххосæй чи фæмард, уыцы адæмы рухс нæмттæ ссарыны фæдыл Цæгат Ирыстоны
цæрæг туркæгтæ æрæмбырд сты фыццаг хатт. Арæзт æрцыд национ-культурон
æхсæнад «Ватан»ы сæрдар МехриалИ СарАжовы хъæппæрисæй. Фембæлды рæстæг
се ппæт дæр хæст уыдысты иу хъуыдыйыл. Гурдзыстонæй ралидзæг Туркæгтæ
Цæгат Ирыстоны ссардтой сæ дыккаг бæстæ æмæ архайдзысты сæ фæллойы
руаджы йæ райрæзтмæ се `вæрæн хæссын.
