Алы адæмыхæттыты хсæн хæлар ахастдзинæдтæ тауын, фæсивæды кæрæдзиуыл бæттын. Ахæм хæстæ сæ размæ æвæрынц регионты хсæн фестиваль «Хæлар Кавказ» саразджытæ.
Архайдтой дзы Цæгат Ирыстоны, Кæсæг-Балхъары, Цæцæны æмæ Мæхъæлы республикæты, стæй Стъараполы крайы минæвæрттæ. Сценæмæ рацыдысты рагон национ уæлæдарæсы. Акодтой зарджытæ æмæ адæмон кæфтытæ. Уæвгæ, нæ республикæйы хорз фæтк ныффидар. Рæстæгæй-рæстæгмæ арæзт цæуынц хæлардзинады фестивальтæ. Уыдон та фадат дæттынц истори, æгъдæуттæ æмæ традицитæ хуыздæр зонынæн. Æмæ канд зонынæн нæ, фæлæ семæ аивады фæрцы зонгæ кæнынæн дæр. Кавказы фæсивæд ахæм мадзæлтты архайгæйæ кæридзимæ свæййынц хæстæгдæр æмæ æнувыддæр. Нациты хсæн æмбарынад та у – Уæрæсейы президент Владимир Путины майы Указтæй иу.
