Мадæлон æвзаг ахуыр кæнын хъæуы сабибонтæй фæстæмæ. Ахæм нысанимæ арæзт æрцыд сæрмагонд ахуыргæнæн программæ æмæ дзы пайда кæныны фадат ис компьютерты æмæ дзыппыдаргæ телефонты руаджы.
Социалон проект «Мадæлон æвзаджы» презентаци уыд гуманитарон æмæ социалон иртæстыты институты æвзагиртасæг Андрей Шегрены 220 азы юбилейы кадæн. Ахуыргонд стыр æвæрæн бахаста ирон æвзаджы рæзæтмæ. Проект арæзт æрцыд Цæгат Ирыстоны æхсæнадон организаци «Наукæ æмæ инновацитæн æххуысы ассоциаци»-йы хъæппæрисæй. Ахуыргæнæн программæ конд у уырыссаг, ирон æмæ англисаг æвзæгтыл скъолайы агъоммæйы, стæй райдайæн кълæсты кары сывæллæттæн. Хæслæвæрдтæ дихгонд цæуынц æртæ къордыл, баст сты алыхуызон темæтимæ.
Токаты Людмилæ, РЦИ-Аланийы Парламенты сæрдары хæдивæг: «Куы æркастæн ацы презинтацимæ, уæд мæ зæрдæ барухс ис. Уый тыххæй æмæ кæд абон ахæм интузиасттæ ис, кæд абон æрыгон адæм ахæм хъуыддæгтæ кæнынц, уæд ирон æвзаг дæр размæ цæудзæн. Хъæуыды кнын хъæуы ууыл æмæ ныхæстæ куыд бабæдтой иумæ сывæллæттæ, стод дзурын куыд райдайой æмæ скъолайы дæр, уынджы дæр дзæбæх ирона дзурын куыд уа, ахæм программæтæ кæнын хъæуы. Мæнæмæ гæсгæ ацы лæппутæн сæ бон суыдзæн».
