Æхсæнадон æххуысы штабмæ æрбацыдысты 20 адæймагæй фылдæр сæ лыггæнинаг фарстатимæ
Паддзахадон Думæйы депутат Мæхъиты Зураб æмæ Дзæуджыхъæуы минæвæртты æмбырды сæрдар Таболты Сергей фембæлдысты республикæйы цæрджытимæ. Æхсæнадон æххуысы штабмæ æрбацыдысты 20 адæймагæй фылдæр сæ лыггæнинаг фарстатимæ. Баст уыдысты цæрæнуæтты, уынгтæ аив кæныны, финансон æххуыс кæныны фарстатимæ. Ампутантты футболон командæ «Ирыстон»-ы минæвæрттæ радзырдтой се *нтыстдзинæдты тыххæй. Спортсментæ 2 хатты систы Уæрæсейы чемпионаты призертæ, рамбылдтой стыр турниртæ. Цæмæй дарддæр се спортивон фæндагыл цæуой, уый тыххæй сæ хъæуы финансон æххуыс – республикæйæ дарддæр ерыстæм цæуыны гæнæнтæ командæйæн сты цыбыр. Ног проектимæ æрбацыд журнал «Ногдзау»-ы сæйраг редактор Сæлбиты Дианæ.
