Бæрæгбоны уазджытæн сæ бон уыд дæсныйадæвдисæг ахуырты архайын, ирон аив кафты сусæгдзинæдтæ базонын
Мæскуыйы адæмыхæттыты хæдзары арæзт æрцыди рæсугъд бæрæгбон – ирон культурæйы бон. Бæрæгбоны уазджытæн сæ бон уыд дæсныйадæвдисæг ахуырты архайын, ирон аив кафты сусæгдзинæдтæ базонын. Кæй фæндыд, уыдон сæхи бафæлвæрдтой нывкæнынады дæр. Интеллектуалон хъæзтытæм æмхиц чи у, уыдонæн уыди шахмæттæй ерыс кæныны фадат. Уазджыты размæ рахастой, ирон адæмы хъæздыг бынтæн ирд æвдисæн экспозици – æрмдæсныйады хуызтæ, бынæттон нывгæнджыты куыстытæ, адæмон музыкалон инструменттæ æмæ национ миниуджытæ æвдисæг дзаумæттæ. Уæрæсейы президенты цур Цæгат Ирыстоны æххæстбарджын минæвары хæстæ рæстæгмæ æххæстгæнæг Дзасохты Тамерлан бæрæгбон саразджытæн загъта бузныг. Куыд фæнысан кодта, афтæмæй ацы фестиваль рæзгæ фæлтæрæн у уникалон фадат нæ бæстæйы, уыимæ та Ирыстоны хъæздыг культурон бынты тых банкъарынæн. Ахæм хуызы ис нацийы культурæ æмæ традициæ фæлтæрæй – фæлтæрмæ дæттæн.
