Кино сси режиссер Любовь Азаматовайы проект «Всем отцам посвящается»-йы иу хай
Мæскуыйы адæмыхæттыты хæдзары ацыди документалон киноныв «Браво, Журули»-йы премьерон равдыст. Кино сси режиссер Любовь Азаматовайы проект «Всем отцам посвящается»-йы иу хай. Уый у, Кавказы зындгонд адæмты тыххæй кинонывты сери. Премерон равдысты уазджытæ систы Мæскуыйы ирон æхсæнады минæвæрттæ. Документалон киноныв «Браво, Журули» ист æрцыди УФ-йы сгуыхт дохтыр, Уæрæсейы спортивон тæрхонгæнджыты коллегийы сæрдар, сызгъæрин æхситгæнæны хицау, экстра-къласы арбитр Нугзар Журулийы кадæн. Кинойы æвдыст цæуы, мастеры фæллойадон фæндаг куыд арæзт цыдис, йæ цард, йе сгуыхтдзинæдтæ. Ис ын уæрæх географи: съекмкæтæ цыдысты Парижы, Мцхеты, Дзæуджыхъæуы æмæ Санкт-Петербурджы. Съемкæты архайдтой Журулийы хæлæрттæ – Гергиты Валерий, Александр Карелин, Фадзайты Арсен æмæ бирæ æндæртæ.