Чингуыты сæмбырд кодтой этногрофы æрмæджытæ. Се `хсæн, рухс чи нæма федта, ахæмтæ дæр.
Мæскуыйы адæмыхæттыты хæдзары уыд этнолог Уарзиати Вилены чингуытæ «Избраные труды»-йы презинтаци. Чингуыты сæмбырд кодтой этногрофы æрмæджытæ. Се `хсæн, рухс чи нæма федта, ахæмтæ дæр. Автор кусы ирон адæмы культурæ æмæ традицитæ бахъахъхъæныныл. Ног чиныджы ма фæзынд ирон æвзагыл фыст æрмæджытæ дæр. Мадзалы архайдтой ахуыргонды хæлæрттæ æмæ йе `мкусджытæ. Сæ ныхæстæм гæсгæ Уарзиати Виленæн этнологи, истори, æмæ ирон адæмы культурæйы рæзтæн ис стыр ахадындзинад. Презентацийы равдыстой авторы тыххæй киноныв. Алы уазæгæн дæр балæвар кодтой Уарзиати Вилены ног чиныг. Мадзал сарæзтой Цæгат Ирыстоны сæргълæууæг Битарты Вячеславы æмæ Уæрæсейы цур нæ республикæйы æххæстбарджын минæвар Дзанайты Барисы хъæппæрисæй. Дзанайты Барис куыд фæнысан кодта афтæмæй не `мзæххоны наукон куыстытæн хъæуы стыр аргъ кæнын.
