Цæгат Ирыстонæй та дзы уыд 10 делегаты
Ахсджиаг уынаффæтæ. Ивгъуыд къуырийы Мæскуыйы арæзт æрцыд æхсæнадон змæлд «Движение первых»-ы дыккаг съезд. Архайдтой дзы мин адæймагæй фылдæр нæ бæстæйы алы регионтæй. Цæгат Ирыстонæй та дзы уыд 10 делегаты. Иумæ æрныхас кодтой ныртæккæйы царды хъæугæ темæтыл. Бæлвырддæр хабæрттæ радзурдзæн нæ уацхæссæг Тъехты Элинæ.
Афтæмæй райдыдта чысыл балц стыр бæстæмæ. Дзæуджыхъæуы аэропортæй, ныййарджыты ныстуантимæ æмæ разамонджытимæ ахсджиаг фарстатыл ныхас кæнгæйæ. Цалынмæ фæсивæд сæ балцмæ сæхи цæттæ кодтой, уæдмæ сæм Мæскуыйы æнхъæлмæ каст егъау программæ. Дæсныйадæвдисæг ахуыртæ, спикерты цымыдисаг лекцитæ. сæйрагдæр та – ахсджиаг фарстатæм фæндон бахæссыны фадат.
Мæскуыйы уымæй уæлдай сарæзтой сывæллæтты Фыццæгты Федералон Совет. Уый та дзурæг у, змæлд йæ куыст бæстонæй кæй кæны, ууыл. Куы баиу сты, уæд фæсивæд кæрæдзийæн æргом кодтой сæ хъуыдытæ, стæй ныхас кодтой, се хсæн абон ахсджиаг цы у, уыцы фарстатыл. Сæ фарсмæ та æрбалæууыдысты дæсны зондамонджытæ.
«Фыццæгты змæлд»-ы дыккаг æмбырд нысан кодта ногдзинад. Фидæны сæм æнхъæлмæ кæсынц егъау проекттæ, стæй цымыдисаг æмæ мидисджын мадзæлттæ. Сæйрагдæр та у, архайджыты нымæц фылдæр кæй кæны, уый. Уыимæ фылдæр кæнынц сæ нысантæ дæр.
Съезд кæронмæ æрхæццæ, фæлæ фæсивæды куыст йæ тæмæны бацыд. Организацийы разамонджытæ зæрдæ дарынц, уыц куыст сыл хорз кæй ахаддзæн, ууыл. Уæдæ хицæн ныхасы аккаг у, мадзалы финалы архайджытимæ Президент Владимир Путин Уæрæсейы гимн кæй азарыд, уый.
