24 ноября 2021, 13:38
Мæскуыйы байгом Каджаты Вадимы куыстыты равдыст
Равæрдтой дзы портреттæ, пейзажтæ, жанрты æмæ историон композицитæ
Рагзамантæм æздæхгæйæ. Мæскуыйы байгом Цæгат æмæ Хуссар Ирыстоны сгуыхт нывгæнæг, Уæрæсейы нывгæнджыты Цæдисы уæнг Каджаты Вадимы куыстыты равдыст. Равæрдтой дзы портреттæ, пейзажтæ, жанрты æмæ историон композицитæ. Куыстытæ иууылдæр баст сты Ирыстонимæ, йæ истори æмæ нырыккон дуджы æууæлтимæ. Каджаты Вадим каст фæци Цхинвалы аивæдты лицей. 2009-æм азы сси Санкт-Петербурджы Репины номыл аивæдты академийы хуыздæр рауагъдон. Нывгæнæджы куыстытæ хорз зонгæ сты ирыстойнаг аивадуарзджытæн. Дзæуджыхъæуы сентябры уыди Каджаты Вадимы радон равдыст «Ирыстоны арвы бынмæ». Йæ нывтæ сты æппæт дунейы алы къуымты хи коллекциты.