филиал вгтрк государственная телерадиовещательная компания “Алания”

Мæскуыйы ирон æхсæнады байгом Цæгат Ирыстоны сгуыхт нывгæнæг Ульяна Гончаровайы куыстыты равдыст «Город на фоне гор». Экспозицимæ бацæттæ кодта цымыдисаг нывтæ. Фенæн сыл ис Дзæуджыхъæуы рагон æмæ нырыккон уынгтæ сæ ирддæр бынæттимæ, стæй Ирыстоны æрдзы рæсугъд пейзажтæ. Уæвгæ Ульяна Гончаровайы куыстыты нæ уарзон горæт æвдыст цæуы афæдзы алы афонты. Аивадмæ æмæ сфæлдыстадмæ йæ разæнгард кæнынц, куыд фæзæгъынц – рухс æмæ аууон. Уыдон автор арæхстджынæй равдисы йæ нывты. Ульяна Гончарова — у Цæгат Ирыстоны паддзахадон университеты аивæдты факультеты рауагъдон. Мастеры куыстытæ абон зындгонд сты канд Ирыстоны нæ, фæлæ ма сыхаг регионты æмæ суанг нæ бæстæйы алы рæтты дæр.