16 сентября 2021, 12:10
Мæскуыйы фесты нæ республикæйы Уырыссаг Академион театры гастрольтæ
Дзæуджыхъæуккаг артисттæ Вахтанговы театры ног сценæйы равдыстой 2 постановкæйы
Мæскуыйы фесты нæ республикæйы Уырыссаг Академион театры гастрольтæ. Дзæуджыхъæуккаг артисттæ Вахтанговы театры ног сценæйы равдыстой 2 постановкæйы: Гальсераны пьесæмæ гæсгæ æвæрд спектакль «Метод Гренхольма», стæй Островскийы пьесæ «Лес». Театры сфæлдыстадон балц арæзт æрцыд, регионты хсæн проект «Большие гастроли» æххæст кæнгæйæ. Вахтанговы номыл уырыссаг Академион театр нымад у Цæгат Кавказы рагондæр драмон театрыл. 1996-æм фæстæмæ хæссы «Академион»-ы æмæ Евгений Вахтанговы кадджын ном. Гастрольтæ та баст сты дыууæ æфсымæрон театры юбилейтимæ: Дзæуджыхъæуккаг театрыл æххæст кæны 150 азы, Мæскуыйаг театр та ацы аз бæрæг кæны йæ 100 азы юбилей.
