Баст у нывгæнæг Гасситы Хсары ном арынимæ
Мæскуыйы Мытищæйы историон-аивадон музейы байгом равдыст «Перед рассветом». Баст у нывгæнæг Гасситы Хсары ном арынимæ. Экспозици саразыныл бакуыстой нывгæнæнджы фырттæ Гасситы Цопан æмæ Сергей. Равдыст арæзт у, мастер алы азты кæй скодта, уыцы нывтæй. Йæ куыстытæ авиадуарзджыты ргом здахынц ахсджиаг темæтæм. Ирдæй дзы зыны нывгæнæджы дуне æмбарынад. Бæлвырддæр та экспозици æвдисы нывгæнæджы царды æмæ бирæазон фæлтæрддзинады хатдзæг. Æппæт сюжеттæ ист сты йæ биографийæ. Номарæн равдыст фенæн уыдзæн 14-æм августы онг. Зæгъдзыстæм ма уый дæр, æмæ фæстаг цалдæр азы Гасситы Хсары куыстытæ бирæ хæттыты архайдтой Мæскуыйы, Санкт-Петербурджы, Эдинбургы, Гентейы, Берлины, Дрездены, Цюрихы, Флоренцийы, Страсбургы æмæ æндæр фæсарæйнаг горæтты равдыстыты. Кавказы хъуыстгондæр нывгæнджытæй иу, мин нывæй фылдæры автор йæ цардæй ахицæн æртæ азы размæ. Цыди йыл 91 аз.
