Республикæ Уæрæсеимæ баиуы 250 азы боны æмæ Цæгат Ирыстоны 100 азы кадæн бæстæйы сæйраг телеуынынады мæсыг урс, сырх æмæ бур хуызтæй аивгонд цæудзæн 17-æм сентябрьмæ
Мæскуыйы Останкинойы мæсыг 10 бонмæ райста Ирыстоны тырысайы хуыз. Республикæ Уæрæсеимæ баиуы 250 азы боны æмæ Цæгат Ирыстоны 100 азы кадæн бæстæйы сæйраг телеуынынады мæсыг урс, сырх æмæ бур хуызтæй аивгонд цæудзæн 17-æм сентябрьмæ. Уымæй уæлдай ма йæ къулыл цы медиаэкран ис, ууыл æвдыст цæуынц Цæгат Ирыстоны паддзахадон академион театры спектакльтæй скъуыддзæгтæ. Мæскуыйы Чысыл театры æвæрд æрцæудзæн спектакль «Король Лир», Пушкины номыл драмон театры сценæйыл – «Овод», Вахтанговы номыл театры та – спектакль «Гæздæнтæ». Мадзæлттæ арæзт цæуынц Уæрæсейы культурæйы министрады æххуыссæй.
