Уыдонæй иу – не мкусæг, Ирина Захарова дæр
Мæскуыйы схорзæхджын кодтой национ преми «Будем жить»-ы лауреатты. Ацы аз номинацитæ «Жемчужина профессии» æмæ «Легенда онкологии»-йы уæлахиздзаутæ систы цæгаирыстойнаг онкологтæ Лия Воронкова æмæ Хъараты Сослан. Уымæй уæлдай ма æхсæнадон хъæлæстæм гæсгæ ацы аз схорзæхджын кодтой журналистты дæр. Уыдонæй иу – не мкусæг, Ирина Захарова дæр. Преми лæвæрд цæуы 7 азы, фæлæ Цæгат Ирыстоны минæвæрттæ уæлахиздзаутæ систы фыццаг хатт. Уæлахиздзауты тыххæй бæлвырддæр радзурдзæн Тъехты Элинæ.
Ацы дохтырмæ рынчынтæ æрбацæуынц Уæрæсейы алы горæттæй. Бонмæ медицинон æркаст скæны 25 адæймагæй фылдæрæн. Лия Воронкова йæ цард снывонд кодта медицинæйæн. Дохтыр – онколог сси национ преми «Будем жить»-ы лауреат номинаци «Жемчужинæ профессии»-йы.
Хъараты Сосланæн номинаци «Легенды в онкологии»-йы рамбулын уæлдай ахсджиаг у. 25 азæй фылдæр уыд хирургион хайады сæргълæууæг. Дохтыр – онколог адæмæн æххуыс кæны 50 азы онг. Медицинæмæ цы вæрæн бахаста, уымæн аккаг аргъ Кремлы галуаны скодта Уæрæсейы æнæниздзинадхъахъхъæнынады министр Михаил Мурашко. Æмæ æцæгæй дæр, Цæгат Ирыстоны сгуыхт дохтыр йæ дæсныйадмæ цы вæрæн бахаста, уый рох кæнæн нæй.
Æхсæнадон хъæлæстæм гæсгæ, преми «Будем жить»-æй хорзæхджын кæнынц журналистты дæр. Ацы аз лауреат сси нæ телерадиокомпанийы амонæг Иринæ Захарова. 380 куысты хсæн Иринæйы æрвылкъуырион проект «Пульс» бацыд хуыздæрты хыгъдмæ. Программæ фенæн ис канал «Россия 24»-йы. Иринæ у номинацийы 3 лауреаттæй иу. Кæд дохтыр – онкологтæ ирвæзын кæнынц адæмы, уæд Иринæ та онкологон низты тыххæй дзуры йæ программæйы, цæмæй адæм хуыздæр зоной уыцы низы тыххæй. Рынчынты хыгъд кæны æрмæстдæр фылдæр. Уымæ гæсгæ проект у тынг ахадгæ.
Преми лæвæрд цæуы 2017-æм азæй фæстæмæ. Сарæзта йæ æппæтуæрæсеон онкологон рынчынтæ «Здравствуй»-йы æмбалад. Ацы аз лауреатты схорзæхджын кодтой 4-æм февралы, онкологон низты тохы æппæтдунеон бон.
