филиал вгтрк государственная телерадиовещательная компания “Алания”

03:12 среда, 09 июля 2025
12 февраля 2025, 10:37
Мæскуыйы, Уæрæсейы адæмты Хæдзары байгом равдыст «Осетинская палитра»

Сæ куыстытæ йæм бахастой Челæхсаты Магрез, Пухаты Вадим, Челæхсаты Тея, Тедеты Дмитрий æмæ Плиты Таймураз

Мæскуыйы, Уæрæсейы адæмты Хæдзары байгом равдыст «Осетинская палитра». Экспозици æрбынат кодта Морозовты рагон хæдзары. Сæ куыстытæ йæм бахастой Челæхсаты Магрез, Пухаты Вадим, Челæхсаты Тея, Тедеты Дмитрий æмæ Плиты Таймураз. Ирыстойнаг равдыст сæмбырд кодта нывгæнджыты æппæтæй ирддæр ахорæнтæ. Афтæмæй равдыстой канд нæ райгуырæн бæстæйы рæсугъддзинад æмæ æрдз нæ, фæлæ ма алы авторы æрмдзæф дæр. Ирыстойнаг нывгæнджыты иу равдысты баиу кодта Культурон центр «ШУЛУУН-АРТ». Центры директор Елена Бадмаева куыд загъта, афтæмæй ирон автортæ сты нæ бæстæйы культурон палитрæйы зынгæ хай. Уыимæ йæм хæссынц, абарæн кæмæн нæй, ахæм национ æууæлтæ. Равдыст байгом кæныны кадджын уазджыты хсæн уыдысты Республикæ Цæгат Ирыстоны-Аланийы æххæстбарджын минæвары фыццаг хæдивæг Уæрæсейы Президенты цур Дзасохты Тамерлан, Мæскуыйы ирон æхсæнады сæрдар Абайты Алан, Хуссар Ирыстоны минæварады атташе Мæскуыйы Владимир Сергеев. Равдыст кусдзæн 17-æм февралы онг.

vgtrk_alania
vgtrk_alania
vgtrk_alania
vgtrk_alania