Цæгат Ирыстоны кад хъахъхъæдтой 6 барæджы
Мæскуыйы уыдысты, Уæрæсейы Кубок рамбулыны ерыстæ, бæхыл бадыны 3 хуызæй. Спортсментæ сæхи æвдыстой бæхыл рацæуыны, кроссы æмæ конкуры. Цæгат Ирыстоны кад хъахъхъæдтой 6 барæджы. Уыдис сын иттæг хорз хатдзæгтæ. Уымæй равдыстой, бæхты-спортивон республикон скъола Уæрæсейы хуыздæртæй иу кæй у, уый. Бæлвырддæр радзурдзæн Хъайтмазты Дзерассæ.
Легендарон комплекс «Битца»-йы стыр рацарæзты фæстæ та бæрзонддæр æмвæзады ерыстæ æрыздæхтысты мæскуыйаг быдыртæм. Бæстæйы сæдæ тыхджындæр барæгæй фылдæр архайдтой Уæрæсейы Кубок рамбулыны бæхыл бадыны 3 хуызы ерыстæй. Спортсментæ сæ арæхстдзинад æвдыстой бæхыл рацæуыны, кроссы æмæ конкуры.
Цæгатирыстойнаг скъолайæ Мæскуыйы ерысты архайдта 6 барæджы. Уыдысты алы кары. Категори «дыууæ стъалыйы» сыгъзæрин майдан райста Хъуысаты Алан.
Уый æрмæст республикæйы иугонд командæйы сæргъы нæ лæууы, фæлæ ма йæхæдæг рацæуы маршрутмæ дæр. Ацы ерысты æнтыстджынæй фæуæлахиз йæ ныхмæлæуджытыл.
Юниорты *хсæн 2-аг бынат бацахста Арина Луценко. Æрыгон, техникон, лæмбынæг… Барæг нырма лæууы йе спортивон фæндаджы райдиан. Ацы Кубок йæ карьерæйы у фыццаг. Йæ тренерты ныхæстæм гæсгæ, æвзист – иттæг хорз бæрæггæнæн у. Чызг йæ бæхимæ æппæт маршрутыл ацыд, æмæ ма райста иннæ ерыстæм квалификаци дæр.
Бæрзонд бæрæггæнæн чи равдыста, командæйы уыцы æртыккаг архайæг сси Эллина Мурадьянц. Йе *нтыстдзинæдтæ йын байгом кодтой фæндаг æппæтадæмон программæйы иннæ къæпхæнтæм. Цæгат Ирыстоны командæ ма иу хатт равдыста, республикæйы бæхты-спортивон скъола бæстæйы хуыздæртæй иу кæй у, уый.
Разæй – ног ерыстæ æмæ ног нысантæ. Уый та дзурæг у, спортсментæн сæхи равдисынæн ма бирæ гæнæнтæ кæй уыдзæн, ууыл.
