Дыууæ бæрнон кусæджы æрныхас кодтой Цæгат Ирыстоны социалон-экономикон рæзты фарстатыл.
Мæскуымæ кусæг балцы рæстæг нæ республикæйы сæргълæууæг Битарты Вячеслав фембæлд Цæгат Кавказы хъуыддæгты фæдыл министр Сергей Чеботаревимæ.
Дыууæ бæрнон кусæджы æрныхас кодтой Цæгат Ирыстоны социалон-экономикон рæзты фарстатыл. Стыр æргом аздæхтой инвестицион æмæ национ проекттæм. 67 национ проектæй нæ республикæ архайы фæндзайы. Уыдоны фæрцы алыг кæнæн уыдзæн цалдæр фарстайы æнæниздзинадхъахъхъæнынады, ахуырады, транспортон инфраструктурæйы, экологийы æмæ æндæр къабæзты. Сергей Чеботарев æмæ Битарты Вячеслав æрныхас кодтой «Цæгат Кавказы федералон зылды рæзты» паддзахадон программæйл дæр. Бæлвырддæр та се ргом аздæхтой æхсæрбæлæсты цæхæрадон саразынмæ. Уыдзæн 200 гектары фæзуатыл. Уымæй дарддæр ма фæнд кæнынц арæзтадон æрмæджыты куыстуат æмæ логистикон парк саразын. Федералон министр æмæ Цæгат Ирыстоны сæргълæууæг ма æрдзырдтой курорт Мамысоны фидæныл дæр.
