филиал вгтрк государственная телерадиовещательная компания “Алания”

05:38 суббота, 26 июля 2025
19 июля 2025, 10:42
Мæздæджы 7-æм скъолайы кæрты ацыд, Уæрæсейы хъæбатыр Карен Шишкины номарæн митинг

Ацы къуыри йыл хъуамæ сæххæст уыдаид 50 азы

Мæздæджы 7-æм скъолайы кæрты ацыд, Уæрæсейы хъæбатыр Карен Шишкины номарæн митинг. Ацы къуыри йыл хъуамæ сæххæст уыдаид 50 азы. Мадзалы архайдтой мыггаджы минæвæрттæ, «Хæстон æфсымæрад»-ы æмæ æхсæнадон организациты уæнгтæ. Карен Шишкин архайдта Цæцæны хæстон цауты æмæ дзы равдыста стыр хъæбатырдзинад. 1995-æм азы 1-æм январы Грозна бацахсыны рæстæг йæ танк æххуыс кодта мысанæхсæн дæлхайæдты тохæн. Тыхджын нæхмæлæуддзинады рæстæг Карен Шишкин райста уæззау цæф. Фæлæ уæддæр, йæхимæ уыйбæрц тых ссардта, æмæ йæ пырх танкæй иннæ æфсæддон машинæтæн суæгъд кодта фæндаг. Карен судзгæ артæй куы рацæйхызт, уæд æй знаджы снайпер комкоммæ амардта. 19 аздзыд æфсæддон йæхи царды аргъæй балхæдта йæ бæрны æфсæддонты цард æмæ сæххæст кодта йæ размæ вæрд хæстæ. Карен Шишкины йæ хъæбатырдзинады тыххæй йæ амæлæты фæстæ схорзæджын кодтой Уæрæсейы хъæбатыры кадджын номæй. Йæ ном хæссынц, кæм царди, уыцы уынг æмæ кæм ахуыр кодта, уыцы скъола. Æхсæнады фæнды скъолайы кæрты бюст сæвæрын дæр.

 

vgtrk_alania
vgtrk_alania
vgtrk_alania
vgtrk_alania