Спортивон мадзал арæзт æрцыд Фыдыбæстæ хъахъхъæнæджы боны кадæн, стæй йæ снывонд кодтой Зæрдылдарыны æмæ намысы афæдзæн
Мæздæджы æмæ национ-культурон æхсæнад «Русь» -ы туристон клубы иугонд командæ архайдта Бештауы хохы цъупмæ схизыны традицион амалæй. Спортивон мадзал арæзт æрцыд Фыдыбæстæ хъахъхъæнæджы боны кадæн, стæй йæ снывонд кодтой Зæрдылдарыны æмæ намысы афæдзæн. Командæйы уæнгтимæ ма сæ маршрутыл семæ ацыдысты ветерантæ, скъоладзаутæ, студенттæ, кадетты кълæсты ахуырдзаутæ æмæ æфсæддон-спортивон клубты æмæ организациты минæвæрттæ. Къуыбырыл сæм æнхъæлмæ касти тематикон викторинæтæ æмæ конкурстæ. Уым зæрдиагæй архайдтой командæйы æппæт уæнгтæ дæр. Спортивон мадазлы архайджытæ, кæстæрæй хистæрæй схызтысты хохы цъупмæ. Нæ сæ бахъыгдардта нæдæр мит, нæдæр уазал дымгæ. Республикæйы тырысаимæ традицион къамтæ исгæйæ та ма мæздæггæгтæ сæхи бахъæлдзæг кодтой. Бештауы хохы цъуппæй æрцæугæйæ та сын мадзал саразджытæ скодтой хъарм хæринæгтимæ фынг.
