Арæнхъахъхъæнджыты æвзонг хæлæртты рæнхъытæ баххæст кодтой Хъызлары скъоладзаутæ
Мæздæджы афгайнæгты номыл скверы арæзт æрцыд кадджын мадзал. Арæнхъахъхъæнджыты æвзонг хæлæртты рæнхъытæ баххæст кодтой Хъызлары скъоладзаутæ. Мадзалмæ æрбахуыдтой Цæгат Ирыстоны Æдасдзинады федералон службæйы арæнхъахъхъæнджыты ветеранты организацийы уæнгты. Лæппутæн æмæ чызджытæн кадджын уавæры байуæрстой цъæх береттæ æмæ æвдисæндартæ. Æвзонг арæнхъахъхъæнджыты отрядæн уыд ардбахæрды процедурæ. Фидарæй зæрдæ бавæрдтой, се фсæддон хæс æххæст кæнынæй. Бæрæгбон барæсугъд кодтой вокалон къорд «Граница»-йы уæнгтæ. Зæгъдзыстæм ма уый дæр, æмæ Мæздæджы районы фæзынд æвзонг арæнхъахъхъæнджыты фыццаг отряд. Ахæм иугæндтæ хæстæгдæр рæстæг фæзындзысты иннæ ахуыргæнæндæтты дæр.
